Sènher Cònsol de Montferrier
Senhers conselhièrs
Amics catalans e occitans
En primèr vòli regraciar en nom dels catalans la vòstra amicala aculhença d'aqueste 26 Aplèc dels Fòcs de Sant Joan a Montsegur.
Grandmercé per nos aculhir un autre còp. Lo CAOC es estat interdit pel segond còp de far la fèsta occitano-catalana a la nuèit al Prat dels Cremats.
Fa 26 ans que la nòstra associacion, lo CAOC, fa la fèsta d'afrairament occitano-catalana dels Fòcs de Sant Joan.
Dimenge passat tota l'Euròpa a votat e a elegit los novèls deputats al Parlament de l'Union Europèa amb la tòca principala de metre en plaça una novèla Constitucion europèa qu'aurà de fargar mai de ligams d'amistat e de relacion entre los diferents pòbles. E establir mai de justícia sociala per totes los europèus.
Fa 26 ans que lo CAOC fa la promocion de l'amistat occitano-catalana e en aqueste sens a avançat la Union Europèa.
Mas me demandi perqué la justícia s'aplica d'un biais fòrça diferent dins los diferents estats en relacion a las lengas e culturas diferentas de las oficialas.
I a grandas diferéncias entre la situacion legala de las lengas en Belgica, Soïssa, Espanha, etc en comparacion de çò que se passa en França.
Avèm vist que lo nombre de locutors parlants o parlaires es pas un problèma perqué 9 dels dètz novèls estats que son dintrats dedins l'Union Europèa an mens de locutors o parlaires que los catalans, que sèm mai d'onze milions. Lo problèma real es la manca d'oficialitat totala del catalan a tot l'estat.
Lo principe establit es: cada estat aurà una sola lenga en Euròpa.
Es la meteissa causa per l'occitan qu'a mai de parlaires que fòrça petits estats que son dins l'Union Europèa.
Per aquesta rason lo CAOC a escrit al President del govèrnament espanhòl per demandar l'oficialitat de l'occitan en Euròpa, compte-tengut que l'aranès (occitan) es oficial a la Val d'Aran.
Ièr a Montsegur avèm fait una taula redonda sus Frederic Mistral en l'escasença del 150 (cent cinquanten) aniversari del Felibritge e del 100 (centen)aniversari del prèmi Nobel a Mistral.
Lo CAOC sempre a proclamat las paraulas de Mistral, "la lenga es la clau que de las cadenas nos desliura".
Se perdèm la lenga, perdèm la cultura e l'eime e desapareissèm coma pòble.
Per aquò, nosaus, catalans, volèm conservar e afortir la lenga. Per aquesta rason demandam l'oficialitat en Madrid e tanben en Euròpa. Nos cal salvar de la globalizacion.
Las causas an pas cambiat, mas dins l'encastre europèu de la lucha politica i serem totes, catalans e occitans, e un còp de mai nos cal unir davant la novèla escomesa.
Tornarem luchar e tornarem l'an que ven a Montsegur pels Fòcs de Sant Joan.
Grandmercé
Visca Occitània
Visca Catalonha
Enric Garriga Trullols
President del CAOC
Senhers conselhièrs
Amics catalans e occitans
En primèr vòli regraciar en nom dels catalans la vòstra amicala aculhença d'aqueste 26 Aplèc dels Fòcs de Sant Joan a Montsegur.
Grandmercé per nos aculhir un autre còp. Lo CAOC es estat interdit pel segond còp de far la fèsta occitano-catalana a la nuèit al Prat dels Cremats.
Fa 26 ans que la nòstra associacion, lo CAOC, fa la fèsta d'afrairament occitano-catalana dels Fòcs de Sant Joan.
Dimenge passat tota l'Euròpa a votat e a elegit los novèls deputats al Parlament de l'Union Europèa amb la tòca principala de metre en plaça una novèla Constitucion europèa qu'aurà de fargar mai de ligams d'amistat e de relacion entre los diferents pòbles. E establir mai de justícia sociala per totes los europèus.
Fa 26 ans que lo CAOC fa la promocion de l'amistat occitano-catalana e en aqueste sens a avançat la Union Europèa.
Mas me demandi perqué la justícia s'aplica d'un biais fòrça diferent dins los diferents estats en relacion a las lengas e culturas diferentas de las oficialas.
I a grandas diferéncias entre la situacion legala de las lengas en Belgica, Soïssa, Espanha, etc en comparacion de çò que se passa en França.
Avèm vist que lo nombre de locutors parlants o parlaires es pas un problèma perqué 9 dels dètz novèls estats que son dintrats dedins l'Union Europèa an mens de locutors o parlaires que los catalans, que sèm mai d'onze milions. Lo problèma real es la manca d'oficialitat totala del catalan a tot l'estat.
Lo principe establit es: cada estat aurà una sola lenga en Euròpa.
Es la meteissa causa per l'occitan qu'a mai de parlaires que fòrça petits estats que son dins l'Union Europèa.
Per aquesta rason lo CAOC a escrit al President del govèrnament espanhòl per demandar l'oficialitat de l'occitan en Euròpa, compte-tengut que l'aranès (occitan) es oficial a la Val d'Aran.
Ièr a Montsegur avèm fait una taula redonda sus Frederic Mistral en l'escasença del 150 (cent cinquanten) aniversari del Felibritge e del 100 (centen)aniversari del prèmi Nobel a Mistral.
Lo CAOC sempre a proclamat las paraulas de Mistral, "la lenga es la clau que de las cadenas nos desliura".
Se perdèm la lenga, perdèm la cultura e l'eime e desapareissèm coma pòble.
Per aquò, nosaus, catalans, volèm conservar e afortir la lenga. Per aquesta rason demandam l'oficialitat en Madrid e tanben en Euròpa. Nos cal salvar de la globalizacion.
Las causas an pas cambiat, mas dins l'encastre europèu de la lucha politica i serem totes, catalans e occitans, e un còp de mai nos cal unir davant la novèla escomesa.
Tornarem luchar e tornarem l'an que ven a Montsegur pels Fòcs de Sant Joan.
Grandmercé
Visca Occitània
Visca Catalonha
Enric Garriga Trullols
President del CAOC
