Lo dimecres 10 de febrièr de 2010, un grop del CAOC de 5 personas (maximun autorizat) foguèt present al Parlament de Catalonha a la presentacion de la lei fargada pel govèrn catalan, que l’an apelat de l’aranés.
Los grops politics PSC, CDC, ERC, ICV foguèron contents amb l’admission de la lei amb l’excepcion del PPC e CIUTADANS que votèron contra.
Evidentament, es un pas positiu l’acceptacion d’aqueste projècte de lei, mas se pòt pas qualificar coma un “exercici de coeréncia” perque linguisticament es pas acceptable lo títol e tanpauc del punt de vista juridic perqué l’Estatut d’Autonomia de Catalonha de 2006 ditz que “l’occitan es oficial en Catalonha, que en Aran s’apèla aranés”.
Los politics del PSC an legit la frasa al revèrs e vòlon que l’aranés siaga oficial en Aran e en Catalonha.
Los araneses, que son fòrça inquièts per la situacion critica de l’aranés, creson que d’aqueste biais poiràn salvar melhor la seuna lenga.
Lo sol nom del títol de la lei salvarà pas la lenga en Aran. Al contrari, son las mesuras de proteccion, de sosten, d’ensenhament, de projeccion e de participacion en unes projèctes globals de l’Occitània granda que farà possible la capitada d’aqueste clam legitime e juste d’Aran.
Mas l’enjòc es pas de salvar sonque l’aranés, es tanben salvar la lenga occitana d’Occitania tota. Per aquò, la lei deuriá èstre apelada lei de l’occitan.
En mai d’aquò, la lei s’aplicarà en Aran e en Catalonha. En Aran, serà aranés e, en Catalonha, serà occitan. La tradicion istorica en Catalonha es l’emplec de l’occitan dins la modalitat lengadociana, coma estandard e modèl pus corrent.
Evidentament, es un pas positiu l’acceptacion d’aqueste projècte de lei, mas se pòt pas qualificar coma un “exercici de coeréncia” perque linguisticament es pas acceptable lo títol e tanpauc del punt de vista juridic perqué l’Estatut d’Autonomia de Catalonha de 2006 ditz que “l’occitan es oficial en Catalonha, que en Aran s’apèla aranés”.
Los politics del PSC an legit la frasa al revèrs e vòlon que l’aranés siaga oficial en Aran e en Catalonha.
Los araneses, que son fòrça inquièts per la situacion critica de l’aranés, creson que d’aqueste biais poiràn salvar melhor la seuna lenga.
Lo sol nom del títol de la lei salvarà pas la lenga en Aran. Al contrari, son las mesuras de proteccion, de sosten, d’ensenhament, de projeccion e de participacion en unes projèctes globals de l’Occitània granda que farà possible la capitada d’aqueste clam legitime e juste d’Aran.
Mas l’enjòc es pas de salvar sonque l’aranés, es tanben salvar la lenga occitana d’Occitania tota. Per aquò, la lei deuriá èstre apelada lei de l’occitan.
En mai d’aquò, la lei s’aplicarà en Aran e en Catalonha. En Aran, serà aranés e, en Catalonha, serà occitan. La tradicion istorica en Catalonha es l’emplec de l’occitan dins la modalitat lengadociana, coma estandard e modèl pus corrent.
Ara, lo Parlament fargarà una lei amb un consensus lo mai grand possible.
Los occitans se pòdon tanben posicionar e lo Parlament catalan los escotarà.
CAOC
Los occitans se pòdon tanben posicionar e lo Parlament catalan los escotarà.
CAOC
Cap comentari:
Publica un comentari a l'entrada